హైదరాబాద్ సిటీబ్యూరో, జనవరి 30(నమస్తే తెలంగాణ): వాతావరణ మార్పులపై ప్రపంచవ్యాప్తంగా ఆందోళన వ్యక్తమవుతున్న వేళ ఇక్రిశాట్ తాజా అధ్యయనం మరింత ఆందోళనకు గురిచేస్తున్నది. ైక్లెమేట్ చేంజ్ ప్రభావం పంటల దిగుబడిపై తీవ్ర ప్రభావం చూపుతున్నదని, ఎదుగుదల, పంట దిగుబడిపై ప్రతికూల ప్రభావం చూపిస్తున్నదని అధ్యయనం పేర్కొన్నది.
ఉష్ణమండల, సమశీతోష్ణ ప్రాంతాల్లో ఉష్ణోగ్రత ఏటా ఒక డిగ్రీ మేర పెరుగుతున్నట్టు అధ్యయనంలో గుర్తించారు. పెరుగుతున్న కార్బన్ ఉద్గారాలు కూడా ప్రమాదకరంగా మారుతున్నాయని అధ్యయనకారులు గుర్తించారు. ఈ నేపథ్యంలో వాతావరణ మార్పులను తట్టుకుని అత్యధిక దిగుబడి ఇచ్చే వంగడాలపై ఇక్రిశాట్ దృష్టిసారించింది.