ఖైరతాబాద్, మే 10: బీఆర్ఎస్ ప్రభు త్వంలోనే క్రైస్తవులకు గుర్తింపు లభించిందని, లోక్సభ ఎన్నికల్లో క్రైస్తవులంతా బీఆర్ఎస్కు అండగా నిలుస్తారని క్రిస్టియన్ జాయింట్ యాక్షన్ కమిటీ అధ్యక్షుడు ఎం. సాల్మన్రాజు తెలిపారు. శుక్రవారం సోమాజిగూడ ప్రెస్క్లబ్లో బాప్టిస్ట్ చర్చెస్ అసోసియేషన్ అధ్యక్షు డు డేవిడ్ శాంతిరాజ్తో కలిసి మీడియా సమావేశంలో ఆయన మాట్లాడారు. 2014 వరకు అన్ని ప్రభుత్వాలు క్రైస్తవులను ఓటు బ్యాంకుగా వాడుకున్నాయని, బీఆర్ఎస్ ప్ర భుత్వం ఏర్పడ్డాక మాజీ సీఎం కేసీఆర్ నా యకత్వంలో ప్రాధాన్యం కల్పించారని పేర్కొన్నారు.
క్రిస్మస్, బాక్సింగ్ డేలకు పబ్లిక్ హాలిడేగా ప్రకటించారని, నిజాం కళాశాలలో క్రిస్మ స్ వేడుకలను నిర్వహించారని గుర్తు చేశారు. కేంద్రంలోని బీజేపీ సర్కార్ ఎమ్మార్పీఎస్ అధ్యక్షుడు మందకృష్ణను అక్కున చేర్చుకొని దళితులందరినీ పక్కన పెట్టిందని మండిపడ్డారు. బీఆర్ఎస్ను గెలిపిస్తే అన్ని వర్గాలు, మతాలకు న్యాయం జరుగుతుందని పేర్కొన్నారు. సమావేశంలో క్రిస్టియన్ జేఏసీ నాయకులు జ్యూడ్ రవి, అండ్రూ జేవియర్, డానియల్, లియో, శ్యామ్సన్, ప్రకాశ్, రవికుమార్, సూరిబాబు, రాజేశ్ పాల్గొన్నారు.