Cyber Crime | హైదరాబాద్ సిటీబ్యూరో, జూలై 11 (నమస్తే తెలంగాణ): సైబర్ నేరగాళ్లు ఫొటోలు, వీడియోల కింద లింకులు జోడించి వాట్సాప్, ఫేస్బుక్లను హ్యాక్ చేస్తున్నారు. ఈ తరహా మోసాలపై ప్రతి రోజు మూడు, నాలుగు ఫిర్యాదులు సైబర్ ఠాణాల్లో నమోదవుతున్నాయి. ఇటీవల బీజేపీ ఎంపీ ఈటల రాజేందర్ ఫేస్బుక్ కూడా ఇలాగే సైబర్ నేరగాళ్లు హ్యాక్ చేసినట్టు సీసీఎస్ సైబర్క్రైమ్ పోలీసులు అనుమానిస్తున్నారు.
ఫొటోలు, వీడియోల కింద వచ్చే లింక్పై క్లిక్ చేస్తే వాట్సాప్, ఫేస్బుక్ వాళ్ల ఆధీనంలోకి వెళ్లిపోతాయి. బాధితుల నంబర్తోనే అందులో ఉన్న ఫోన్ నంబర్లకు డబ్బులు అర్జంట్ అని సందే శాలు పంపి మోసగిస్తున్నారు. ఇలాంటి కేసులు సైబర్ క్రైమ్ ఠాణాకు ఎక్కువగా వస్తున్నాయని ఏసీపీ చాంద్పాషా వెల్లడించారు. గుర్తుతెలియని వ్యక్తులు పంపించే ఫొటోలు, వీడియోలను క్లిక్ చేయవద్దని సూచించారు.