హైదరాబాద్ సిటీబ్యూరో, మార్చి 27 (నమస్తే తెలంగాణ): రైతులకు లబ్ధి చేకూర్చేలా ఇక్రిసాట్ వ్యూహాత్మక ప్రణాళికలను అమలు చేయనున్నది. వచ్చే రెండేండ్లలో నిర్దేశిత లక్ష్యాన్ని చేరుకొని ఆధునిక వ్యవసాయాన్ని విస్తరించడంతోపాటు రైతులకు లబ్ధి చేకూర్చే సాగు విధానాలను క్షేత్రస్థాయిలో అమలయ్యేలా పర్యవేక్షించనున్నది.
మేలి జాతి విత్తన విధానం, అగ్రోనామిక్ విధానాలతో వ్యవసాయ రంగాన్ని ఆధునికరించనున్నది. ఆహారంలో పోషక నిల్వలను పెంచేందుకు బయోఫోర్టిఫైడ్ ఆహార విత్తనాలను ప్రవేశపెట్టనున్నది. 2025 నాటికి లక్ష్యాన్ని చేరుకొనేలా ప్రణాళికలు సిద్ధం చేస్తున్నది.