హైదరాబాద్: కొవిడ్ వ్యాక్సిన్ కొవాగ్జిన్ పేటెంట్ దరఖాస్తులో హైదరాబాద్కు చెందిన భారత్ బయోటెక్ సంస్థ భారత వైద్య పరిశోధనా మండలి(ఐసీఎంఆర్)ను సహ యజమానిగా(కో ఓనర్)గా చేర్చింది. ఈ మేరకు సంబంధిత ప్రక్రియను ప్రారంభించినట్టు భారత్ బయోటెక్ ఇంటర్నేషనల్(బీబీఐఎల్) శనివారం వెల్లడించింది.
పేటెంట్ ఫైలింగ్ విషయంలో ఐసీఎంఆర్ను చేర్చకపోవడం అనుకోకుండా జరిగిన పొరపాటు అని కంపెనీ పేర్కొన్నది. భారత్తో సహా అమెరికా, యూరప్ దేశాల్లో పేటెంట్ ఆఫీసుల్లో చేసిన దరఖాస్తులను ఐసీఎంఆర్, ఆ సంస్థ శాస్త్రవేత్తలను పేర్కొనకుండా కేవలం బీబీఐఎల్, దాని శాస్త్రవేత్తల పేర్లను పేర్కొన్నారనే నివేదికలు వచ్చాయి.