హైదరాబాద్, జూలై 19 (నమస్తే తెలంగాణ): రైతుల కష్టాలపై సినిమాలు తీసే చిరంజీవి, పవన్కల్యాణ్ రైతు వ్యతిరేక బీజేపీకి ఎలా మద్దతిస్తారని పీసీసీ వర్కింగ్ ప్రెసిడెంట్ జగ్గారెడ్డి ధ్వజమెత్తారు. హైదరాబాద్ గాంధీభవన్లో శుక్రవారం ఆయన మీడియాతో మాట్లాడారు. రైతులపై ప్రేమను ఒలకబోస్తూ సినిమాలు తీసిన చిరంజీవి, పవన్కల్యాణ్ నిజ జీవితంలో మాత్రం నల్లచట్టాలు తీసుకొ చ్చి రైతుల ప్రాణాలు తీసిన బీజేపీకి మద్దతు ఇస్తున్నారని విమర్శించారు. నల్లచట్టాలపై చిరంజీవి, పవన్కల్యాణ్ ఎప్పుడైనా మాట్లాడారా? అని ప్రశ్నించారు. కేంద్రంలో పదేం డ్లు అధికారంలో ఉన్న బీజేపీ సర్కార్, రైతులకు ఎన్ని వేల కోట్ల రుణమాఫీ చేసిందో కే్ంర ద మంత్రులు బండి సంజయ్, కిషన్రెడ్డి స మాధానం చెప్పాలని డిమాండ్ చేశారు. కనీ సం బీజేపీ పాలిత రాష్ర్టాల్లో ఎక్కడైనా ఇంత పెద్ద మొత్తంలో రైతు రుణాలను మాఫీ చేసిన దాఖలాలున్నాయా? అని ప్రశ్నించారు. బడా పారిశ్రామికవేత్తలకు మోదీ సర్కార్ 16 లక్షల కోట్ల బ్యాంక్ రుణాలను మాఫీ చేసిందే తప్ప రైతు రుణాలను మాఫీ చేసిందా? అని దు య్యబట్టారు. రాష్ట్రంలో రూ.2 లక్షల వరకు రైతుల రుణాలను మాఫీ చేయడంతో ప్రతిపక్ష నేతలకు నిద్రపట్టడం లేదని విమర్శించారు.