చాంద్రాయణగుట్ట, ఏప్రిల్ 16: బండ్లగూడ సాదత్నగర్లో నివసించే ఓ హోమ్గార్డు వీధి రౌడీలా మారి నిండు గర్భిణి, ఓ మహిళ, చిన్నారిపై దాడి చేశాడు. మంగళవారం బండ్లగూడ ఎస్సై అజీజ్ తెలిపిన వివరాల ప్రకారం, బిహార్కు చెందిన గుల్నాజ్ బేగం కుటుంబం బండ్లగూడ సాదత్నగర్లో నివసిస్తున్నది. ఆమెకు ఐదేండ్ల కూతురు పర్వీన్ ఉంది.
ఇదే ప్రాంతంలో నివసించే ఫలక్నుమా ట్రాఫిక్ పోలీస్ స్టేషన్ హోంగార్డు ఇస్మాయిల్కు తొమ్మిదేండ్ల కూతురు ఆయేషా ఉంది. ఈ ఇద్దరు చిన్నారులు ఈ నెల 15న ఇంటి వద్ద ఆడుకుంటుండగా గొడవపడ్డారు. ఈ విషయం ఆయేషా ఇంట్లో చెప్పగా ఇస్మాయిల్ వచ్చి ఏడు నెలల గర్భిణి అని కూడా చూడకుండా గుల్నాజ్బేగం కడుపుపై బలంగా తన్నాడు.
అడ్డుకున్న ఓ మహిళ, చిన్నారిపై దాడి చేశాడు. దాడిలో ఇస్మాయిల్కు మరో ఐదుగురు స్నేహితులు కూడా సహకరించడంతో బస్తీ ప్రజలు అడ్డుకుని పోలీసులకు సమాచారం అందించారు. దీంతో బండ్లగూడ పోలీసులు ఇస్మాయిల్ను అదుపులోకి తీసుకున్నారు. దాడికి సహకరించిన ఐదుగురిపై కేసు నమోదు చేశారు.