Weather Update | హైదరాబాద్, జూలై 17 (నమస్తే తెలంగాణ): ఉపరితల ఆవర్తన ప్రభావంతో గడిచిన 24గంటల్లో నిజామాబాద్, ఆదిలాబాద్ , ఆసిఫాబాద్, పెద్దపల్లి, భూపాలపల్లి, ములుగు, భద్రాద్రికొత్తగూడెం జిల్లాల్లో భారీ వర్షాలు కురిశాయి. అత్యధికంగా నిజామాబాద్ జిల్లా నవీపేటలో 15.4 సెం.మీ, ఆసిఫాబాద్ జిల్లా దహేగాంలో 13.7 సెం.మీ వర్షపాతం నమోదైంది. రాగల ఐదురోజులు రాష్ట్రంలో అతిభారీ వర్షాలు కురిసే అవకాశం ఉందని వాతావరణ కేంద్రం హెచ్చరించింది.
ఈ నెల 19నాటికి పశ్చిమ మధ్య ఆనుకొని వాయువ్య బంగాళాఖాతంలో మరో అల్పపీడనం ఏర్పడే అవకాశం ఉందని వాతావరణ విభాగం పేరొన్నది. ఈ మేరకు వాతావరణశాఖ ఆరెంజ్ అలర్ట్ను జారీ చేసింది. గురు, శుక్రవారాల్లో ఉత్తర కోస్తా, దక్షిణ కోస్తా జిల్లాలో భారీ నుంచి అతి భారీ వర్షాలు పడుతాయని వెల్లడించారు. అత్యవసర సహాయం కోసం టోల్ ఫ్రీ నంబర్లును 1070, 112, 18004250101 ఏర్పాటు చేసినట్టు విపత్తు నిర్వహణ అథారిటీ అధికారులు పేరొన్నారు.