నాంపల్లి కోర్టులు, జూలై 15(నమస్తే తెలంగాణ): ఫోన్ల ట్యాపింగ్ కేసులో రిమాండ్ ఖైదీగా ఉన్న హైదరాబాద్ టాస్క్ఫోర్స్ మాజీ డీసీపీ రాధాకిషన్రావు నాంపల్లి కోర్టులో బెయిల్ పిటిషన్ దాఖలుచేశారు. దీనిపై సోమవా రం విచారణ చేపట్టిన 17వ అదనపు చీఫ్ మెట్రోపాలిటన్ మెజిస్ట్రేట్.. కౌం టర్ దాఖలు నిమిత్తం పబ్లిక్ ప్రాసిక్యూటర్కు నోటీసులు జారీ చేశారు. గడువు కావాలని పీపీ కోరడంతో విచారణ మంగళవారానికి వాయిదా పడింది.
పోలీసుల కస్టడీ పిటిషన్పై నేడు తీర్పు
కిడ్నాప్తోపాటు బెదిరింపు కేసులో జూబ్లీహిల్స్ పోలీసులు ప్రొడక్షన్ వారెంట్పై రాధాకిషన్రావును అరెస్టు చేసిన విషయం తెలిసిందే. ఈ కేసు విచారణ నిమిత్తం రాధాకిషన్రావును 10 రోజులపాటు తమ కస్టడీకి అప్పగించాలని కోరుతూ పోలీసులు దాఖలు చేసిన పిటిషన్పై నాంపల్లి కోర్టులో వాదనలు ముగిశాయి. దీంతో తీర్పును మంగళవారానికి వాయిదా వేస్తున్నట్టు కోర్టు ప్రకటించింది.