సంగారెడ్డి : అధికారంలో ఉన్న కేంద్ర, రాష్ట్ర ప్రభుత్వాలు ప్రతిపక్ష నేతలను, ప్రతిపక్ష శాసనసభ్యులను టార్గెట్ చేసి వేధిస్తున్నాయి. ప్రతి పక్షాలను(Opposition)లొంగదీసుకునేందుకే ఈడీ, ఐటీ దాడులు(ED raids) చేపడుతున్నాయని మాజీ మంత్రి హరీశ్ రావు(Harish Rao) ఆరోపించారు. పటాన్చెరు బీఆర్ఎస్ ఎమ్మెల్యే గూడెం మహిపాల్ రెడ్డి((MLA Gudem Mahipal reddy) )ఇంట్లో ఈడీ దాడులు జరిగిన నేపథ్యంలో శుక్రవారం మహిపాల్ రెడ్డి, వారి తమ్ముడు మధుసూదన్ రెడ్డిని పరామర్శించి మాట్లాడారు.
మహిపాల్ రెడ్డినివాసంలో కనీసం డబ్బు కాని, బంగారం కానీ అక్రమంగా దొరకలేదు. ప్రతిదీ ఐటీ రిటర్న్స్తో సహా పక్కా వివరాలతో స్పష్టంగా ఉన్నాయి. ఒక్క తప్పు కూడా లేదు. అయినా ఎందుకు దాడులు చేస్తు న్నారని ప్రశ్నించారు. రాష్ట్రంలో కూడా కాంగ్రెస్ ప్రభుత్వం అక్రమ కేసులు పెట్టి ప్రతిపక్ష ఎమ్మెల్యేలను పార్టీలోకి తీసుకోవడానికి ప్రయత్నిస్తోంది. కేంద్ర ప్రభుత్వం కూడా అదే పనిచేస్తోంది.
నీట్ ప్రశ్నపత్రం లీకైతే కేంద్ర ప్రభుత్వం ఎందుకు స్పందించడం లేదు? అని సూటిగా ప్రశ్నించారు. అధికార పక్షానికి ఒక నీతి, ప్రతిపక్షాలకు ఒకనీతినా? అని ఘాటుగా విమర్శించారు. 24 లక్షమంది విద్యార్థులు ఇబ్బందిపడుతున్నారు. బిహార్, గుజరాత్లలో పరీక్షకు రెండురోజుల ముందు పేపర్ లీకైంది. ప్రశ్న పత్రాలను అంగట్లో సరుకులా లక్షలకు అమ్ముకుంటుంటే ఈడీ, ఐటీ ఎక్కడెకెళ్లాయన్నారు.
అక్కడ మనీల్యాండరింగ్ కనిపిచం లేదా? అక్కడ అధికారులపై, పరీక్షలు జరిపిన ఎన్టీపై ఎందుకు దాడులు జరపడం లేదు? ఏదో రకంగా బీఆర్ఎస్ ఎమ్మెల్యేలను కాంగ్రెస్లోకి తీసుకునే ప్రయత్నం చేస్తున్నారని మండిపడ్డారు. ఫిరాయింపులను ప్రోత్సహించబోమని, పార్టీ మారిన ఎమ్మెల్యేల సభ్యత్వం రద్దుచేస్తామని కాంగ్రెస్ మేనిఫెస్టోలో చెప్పి అందుకు విరుద్ధంగా పనిచేస్తున్నదని ఆగ్రహం వ్యక్తం చేశారు. మా కదలికలను ఇంటెలిజెల్స్ ద్వారా, ఫోన్ల ద్వారా నిఘా పెడుతూ టార్గెట్ చేస్తున్నారు.
బీఆర్ఎస్ ఎమ్మెల్యేల ఇంటి చుట్టూ తిరుగుతున్నారు. మాట వినకపోతే కేసులు, దాడులతో బెదిరిస్తున్నారు. అధికారం ఇచ్చింది హామీలను అమలు చేయడానికి, ప్రతిపక్షాలను వేధించడానికి కాదు. మహిపాల్ రెడ్డి, ఆయన కుటుంబ సభ్యులు ఈడీ అధికారులకు పూర్తిగా సహకరించారని గుర్తు చేశారు. బీరువాల తాళాలు, పేపర్లు ఇచ్చారు. వారు ఏలాంటి తప్పు చేయలేదు. ఈడీకి ఏలాంటి ఆస్తులు దొరకలేదు. ఇంట్లో ఉన్న పసిపిల్లలు కూడా ఏడ్చేలా ఈడీ అధికారులు వేధించారని ఆవేదన వ్యక్తం చేశారు. న్యాయ వ్యవస్థపై మాకు నమ్మకం ఉంది. ధర్మం గెలుస్తుంది, న్యాయం గెలస్తుందని స్పష్టం చేశారు.