ఎదులాపురం, జూలై 24: ఆదిలాబాద్ ఎస్టీ గురుకుల కళాశాలలో మొదటి సంవత్సరం చదువుతున్న జాదవ్ సిద్ధు పాముకాటుకు గురయ్యాడు. ఆదిలాబాద్ జిల్లా కేంద్రంలోని కలెక్టర్ బంగ్లా సమీపంలో గల గిరిజన గురుకుల బాలుర పాఠశాల, కళాశాలలో మొదటి సంవత్సరం చదువుతున్న జాదవ్ సిద్ధు ఈ నెల 22న రాత్రి వసతి గృహంలో కింద పడుకున్నాడు. రాత్రి సమయంలో పాము కాటు వేసింది. ఈ విషయం నిద్రలో ఉన్న విద్యార్థికి తెలియదు. 23న ఉదయం తోటి మిత్రులు నిద్ర లేపగా.. సిద్ధు కండ్లలో నుంచి నీరు కారడం, ఒళ్లు నొప్పులు, కడుపు నొప్పితో బాధపడుతున్నాడు. ఈ విషయం ఏఎన్ఎం విజయలక్ష్మికి చెప్పగా వెంటనే విద్యార్థిని ఏఎన్ఎం రిమ్స్కు తీసుకెళ్లింది. రిమ్స్ ఓపీ విభాగంలో వైద్యులు మందులు ఇచ్చి ఇంటికి పంపించారు. మధ్యాహ్నం విద్యార్థి బంధువు వచ్చి గ్రామానికి తీసుకెళ్లి నాటు వైద్యం చేయించారు. సాయంత్రానికి విద్యార్థి తీవ్ర అస్వస్థతకు గురయ్యాడు. అ తరువాత కుటుంబ సభ్యులు రిమ్స్లో చేర్పించారు. ఈ విషయాన్ని ఎస్టీ గురుకులం ఆర్సీవో రాజలక్ష్మి ఎస్టీ గురుకులం ఉన్నత అధికారులకు చెప్పడంతో వారి సూచనల మేరకు బుధవారం విద్యార్థిని హైదరాబాద్కు తరలించారు.