నమస్తే తెలంగాణ నెట్వర్క్, జూన్ 3: తెలంగాణ దశాబ్ది ముగింపు ఉత్సవాల్లో భాగంగా సోమవారం జాతీయ పతాకం రెపరెపలాడింది. గులాబీ పతాకం సగర్వంగా ఎగిరింది. బీఆర్ఎస్ పార్టీ కార్యాలయాల్లో పార్టీ శ్రేణులు ఉద్యమంలో అమరులైన వారికి నివాళులు అర్పించారు. ఉద్యమకారులను శాలువాలతో సన్మానించారు. దవాఖానల్లో పండ్లు, బ్రెడ్లను పంపిణీ చేయగా, మహారాష్ట్రలో మహిళలకు కుట్టుమిషన్లను పంపిణీ చేశారు. మహబూబ్నగర్ బీఆర్ఎస్ జిల్లా కార్యాలయంలో పార్టీ జిల్లా అధ్యక్షుడు లక్ష్మారెడ్డి, ఎంపీ మన్నె శ్రీనివాస్రెడ్డితో కలిసి మాజీ మంత్రి శ్రీనివాస్గౌడ్ జాతీయ జెండా, బీఆర్ఎస్ పార్టీ జెండాలను ఎగరవేశారు. వనపర్తి జిల్లా బీఆర్ఎస్ పార్టీ కార్యాలయంలో జాతీ య జెండా, బీఆర్ఎస్ జెండాలను నాగర్కర్నూల్ బీఆర్ఎస్ ఎంపీ అభ్యర్థి ఆర్ఎస్ ప్రవీణ్కుమార్తో కలిసి మాజీ మంత్రి నిరంజన్రెడ్డి ఆవిష్కరించారు. జోగుళాంబ గద్వాలలోని బీఆర్ఎస్ పార్టీ కార్యాలయంలో ఎమ్మె ల్సీ నవీన్కుమార్రెడ్డి, ఎమ్మెల్యే కృష్ణమోహన్రెడ్డి పాల్గొని జాతీయ, బీఆర్ఎస్ జెండాలను ఆవిష్కరించారు. గద్వాల జిల్లా దవాఖానలో రోగులకు పండ్లు, బ్రెడ్ పంపిణీ చేశారు. నిజామాబాద్లోని బీఆర్ఎస్ పార్టీ జిల్లా కార్యాలయంలో మాజీ ఎమ్మెల్యేలు బాజిరెడ్డి గోవర్ధన్, బిగాల గణేశ్ గుప్తా, బీఆర్ఎస్ సీనియర్ నాయకులు రాంకిషన్రావు జాతీయ, గులాబీ జెండాను ఎగురవేశారు. కామారెడ్డిలో మాజీ ఎమ్మెల్యేలు గంప గోవర్ధన్, హన్మంత్ షిండే, బీఆర్ఎస్ జిల్లా అధ్యక్షుడు ముజీబుద్దీన్ తదితరులు ముగింపు వేడుకల్లో పాల్గొన్నారు.
కరీంనగర్లోని కేసీఆర్ భవన్లో మాజీ మంత్రి గంగుల కమలాకర్ పాల్గొన్నారు. అనంతరం కరీంనగర్ ప్రభుత్వ దవాఖానలో రోగులకు పండ్లు పంపిణీ చేశారు. సూర్యాపేటలోని బీఆర్ఎస్ పార్టీ జిల్లా కార్యాలయంలో పార్టీ జిల్లా అధ్యక్షుడు బడుగుల లింగయ్యయాదవ్ జాతీయ పతాకంతోపాటు పార్టీ జెండాను ఆవిష్కరించారు. హనుమకొండ బాలసముద్రంలోని బీఆర్ఎస్ పార్టీ కార్యాలయంలో శాసనమండలి డిప్యూటీ చైర్మన్ డాక్టర్ బండా ప్రకాశ్, బీఆర్ఎస్ పార్టీ జిల్లా అధ్యక్షుడు దాస్యం వినయ్ భాస్కర్ జెండా ఆవిష్కరించారు. కుడా మాజీ చైర్మన్ మర్రి యాదవరెడ్డి అధ్యక్షతన 1969 ఉద్యమకారులను సన్మానించారు. జనగామ జిల్లా యశ్వంతపూర్లోని జిల్లా పార్టీ కార్యాలయంలో ఎమ్మెల్యే పల్లా రాజేశ్వర్రెడ్డి బీఆర్ఎస్ పార్టీ జెండాను, మాజీ మంత్రి ఎర్రబెల్లి దయాకర్రావు జాతీయ జెండాను ఆవిష్కరించారు.
వరంగల్ జిల్లా బీఆర్ఎస్ పార్టీ కార్యాలయ స్థలంలో మాజీ ఎమ్మెల్యే నన్నపునేని నరేందర్, జయశంకర్ భూపాలపల్లి జిల్లా కేంద్రంలోని బీఆర్ఎస్ పార్టీ జిల్లా కార్యాలయంలో పీఏసీఎస్ చైర్మన్ మేకల సంపత్కుమార్ యాదవ్, భూపాలపల్లి మున్సిపాలిటీ చైర్పర్సన్ సెగ్గం వెంకటాణి సిద్దు, అర్బన్ అధ్యక్షుడు కటకం జనార్దన్ జెండాలను ఆవిష్కరించారు. మహబూబాబాద్జిల్లా బీఆర్ఎస్ పార్టీ కార్యాలయంలో మాజీ మంత్రి, ఎమ్మెల్సీ సత్యవతి రాథోడ్, మాజీ ఎమ్మెల్యే శంకర్ నాయక్తో కలిసి ఎంపీ మాలోత్ కవిత జాతీయ జెండా ను ఎగుర వేశారు. ములుగు బీఆర్ఎస్ పార్టీ కార్యాలయంలో పార్టీ జిల్లా అధ్యక్షుడు కాకులమర్రి లక్ష్మీనర్సింహారావు జాతీయ జెండాను ఆవిష్కరించారు. ఖమ్మం జిల్లా పార్టీ కార్యాలయంలో జిల్లా అధ్యక్షుడు, ఎమ్మెల్యే తాతా మధుసూదన్ జాతీయజెండాను, బీఆర్ఎస్ పార్టీ జెండాను ఉద్యమకారుడు రామారావు ఎగురవేశారు. మహరాష్ట్రలో బీఆర్ఎస్ పార్టీ చోప్రా అసెంబ్లీ సమన్వయ కర్త, జల్గావ్ జిల్లా మహిళా విభాగం అధ్యక్షురాలు కోమల్ పాటి ల్, తాలూకా మహిళా విభాగ సమన్వయ కర్త లోటీనా జాదవ్ చొరవతో, వధోడాలో మహిళలకు కుట్టు మిషన్లు పంపిణీ చేశారు.