న్యూఢిల్లీ, జూలై 23: బడ్జెట్లో కేంద్రం గృహ నిర్మాణానికి రూ.2.2 లక్షల కోట్ల ప్రోత్సాహకాన్ని ప్రకటించింది. ప్రధానమంత్రి ఆవాస్ యోజన-అర్బన్ కింద వచ్చే ఐదేండ్లలో పట్టణాల్లోని 1 కోటి పేద, మధ్యతరగతి ప్రజల కోసం ఇండ్లు నిర్మించాలని టార్గెట్గా పెట్టుకున్నట్టు వెల్లడించింది.
అదేవిధంగా తక్కువ వడ్డీరేటుకే గృహ రుణాలు అందించనున్నట్టు కేంద్ర ఆర్థిక మంత్రి నిర్మల సీతారామన్ తెలిపారు. ఇందుకు రూ.10 లక్షల కోట్ల పెట్టుబడి పెట్టనున్నట్టు వెల్లడించారు. పారిశ్రామిక కార్మికుల కోసం అద్దె ఇండ్లు, డార్మిటరీ తరహా వసతి ఏర్పాట్లు చేసే దిశగా ప్రభుత్వం చర్యలు తీసుకుంటుందని వివరించారు. దీన్ని ప్రభుత్వ-ప్రైవేట్ భాగస్వామ్యం ద్వారా చేపట్టనున్నామని తెలిపారు.