తిమ్మాపూర్, మే18: ప్రేమ పేరిట ఓ యువతి యువకుడికి లక్షల రూపాయలు టోకరా పెట్టింది. ఆ డబ్బులతో బంగారు ఆభరణాలు కొనుక్కొని వాటి తో విదేశాలకు ఉడాయించింది. అంతేకాదు.. ఆ యువ కుడికి వారసత్వంగా వచ్చే భూమిని తన పేరుపై రాసిస్తేనే పెండ్లి చేసుకుంటానంటూ అక్కడి నుంచి పదేపదే ఫోన్ చేసి వేధించింది. ఇందుకు మనస్తాపం చెందిన ప్రియుడు ఆత్మహత్యకు యత్నించాడు.
బాధితుడి తండ్రి పోలీసులకు ఫిర్యాదు చేయడంతో శనివారం ఆలస్యంగా వెలుగుచూసిన ఈ ఘటన కరీంనగర్ జిల్లా తిమ్మాపూర్లో చోటుచేసుకుంది. తిమ్మాపూర్కు చెందిన మాదన నాగరాజు డీ ఫార్మసీ చదువుతూనే గతేడాది కోయంబత్తూర్లో ఇషా ఫౌండేషన్లో పనిచేశాడు. అక్కడే వైజాగ్కు చెందిన కమల సంధ్య ప్రియాంక పరిచయం అయిం ది. ఆ పరిచయం కాస్త ప్రేమగా మారింది. ఇంతలోనే ఆస్ట్రేలియాకు వెళ్లిన ఆ యువ తి..
తనకు డబ్బులు పంపిస్తే ఇండియాకు వచ్చి పెండ్లి చేసుకుంటానని చెప్పింది. దాంతో నాగరాజు ఆమె చెప్పిన విధంగా చంద్ర శ్రీనివాస్రావుకు ఫోన్ పే ద్వారా రూ.లక్ష పంపాడు. ఆస్ట్రేలియా నుంచి వచ్చిన ప్రియాంక నేరుగా తిమ్మాపూర్లోని నాగరాజు ఇంటికి వచ్చింది. పెండ్లి కాకపోవడంతో ఆ యువతి ఇంటికి రావడాన్ని నాగరాజు కుటుంబసభ్యులు అడ్డుకున్నారు. దీంతో ఇద్దరూ కలిసి తిమ్మాపూర్లోనే ఓ అద్దె ఇంట్లో నెలరోజులపాటు ఉన్నారు.
ఈ క్రమంలో నాగరాజు కరీంనగర్లోని ఓ ప్రైవేట్ దవాఖానలో తనకున్న భాగస్వామ్యాన్ని వదులుకుని రూ.16 లక్షలు తీసుకున్నాడు. ఆ నగదును ప్రియాంక తన సోదరి ఖాతాలోకి ట్రాన్స్ఫర్ చేయించుకున్నది. ఆ తర్వాత వైజాగ్ వెళ్లిన ఇద్దరూ బంగారు ఆభరణాలు కొనుగోలు చేశారు. మూడు నెలలపాటు అక్కడే కలిసి ఉన్నారు. అనంతరం ఆమె బంగారు నగనలతో ఆస్ట్రేలి యాకు ఉడాయించింది.
తిమ్మాపూర్లోనే ఉంటున్న నాగరాజుకు యువతి పదే పదే ఫోన్ చేస్తూ.. ‘నన్ను పెండ్లి చేసుకోవాలంటే నీ వాటా కింద వచ్చే రెండెకరాల భూమిని నా పేరుమీద రాసివ్వాలని’ వేధించింది. దీంతో మనస్తాపం చెందిన నాగరాజు ఆత్మహత్యకు యత్నించాడు. గమనించిన కుటుంబ సభ్యులు వెంటనే అతడిని దవాఖానకు తరలించి చికిత్స అందిస్తున్నారు. నాగరాజు తండ్రి మల్లయ్య ఫిర్యాదు మేరకు సంధ్య ప్రియాంకతోపాటు శ్రీనివాస్రావుపై కేసు నమోదు చేసినట్టు ఎల్ఎండీ ఎస్సై చేరాలు తెలిపారు.