కరీంనగర్ కార్పొరేషన్, నవంబర్ 19: అవినీతికి పాల్పడుతున్నాడని బీజేపీ అధిష్ఠానం బండి సంజయ్ని ఆ పార్టీ రాష్ట్ర అధ్యక్ష పదవి నుంచి తొలగించిందని, అలాంటి బండికి ప్రజ లు ఓటుతో బుద్ధిచెప్పాలని కరీంనగర్ బీఆర్ఎస్ అభ్యర్థి, మంత్రి గంగుల కమలాకర్ పిలుపునిచ్చారు. ఆదివారం కరీంనగర్ మండలంలోని నగునూర్తోపాటు నగరంలోని పలు డివిజన్లలో రాష్ట్ర ప్రణాళికా సంఘం ఉపాధ్యక్షుడు బోయినపల్లి వినోద్కుమార్తో కలిసి ప్రచారం చేశారు.
గంగుల మాట్లాడుతూ.. బండి సంజ య్ ఎంపీగా గెలిచిన తర్వాత ప్రజల ముఖం చూడలేదని ఆరోపించారు. ప్రజలను ఓట్లు అడిగే అర్హత లేక ప్రలోభాలతో ఓట్లు దండుకోవాలని చూస్తున్నాడని దుయ్యబట్టారు. నాలుగున్నరేండ్లలో సంపాదించిన అవినీతి సొమ్ము తో ఓటుకు రూ.20 వేలు, సెల్ఫోన్ ఇచ్చేందు కు సిద్ధమయ్యారని విమర్శించారు. గెలిచిన తర్వాత ప్రజలను పట్టించుకోని నాయకులను తరిమికొట్టాలని సూచించారు. వినోద్కుమార్ మాట్లాడుతూ.. తెలంగాణ బిడ్డల ఆత్మబలిదానాలకు కారణమైన కాంగ్రెస్ పార్టీ ఇప్పుడు ఎ న్నికల్లో గెలిస్తే అమరవీరులకు పింఛన్ ఇస్తామనడం విడ్డూరంగా ఉన్నదని విమర్శించారు.