మడికొండ, జూలై 20 : మాజీ ఎమ్మెల్యే కారు ఢీకొని మహిళ మృతిచెందిన ఘటన హనుమకొండ జిల్లా మడికొండలో శనివారం రాత్రి జరిగింది. మడికొండ సీఐ ప్రతాప్ కథనం ప్రకారం.. మడికొండకు చెందిన కనుకుంట్ల స్వప్న(40)ఆర్ఎన్ఆర్ గార్డెన్ సమీపంలో రోడ్డు దాటుతుండగా హనుమకొండ వెళ్తున్న మాజీ ఎమ్మెల్యే తాటికొండ రాజయ్య వాహనం ఢీకొన్నది. ప్రమాదంలో స్వప్న అకడికకడే మృతి చెందింది. కాగా వాహనాన్ని రాజయ్య డ్రైవర్ నడుపుతున్నాడు. సీఐ ప్రతాప్ ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ఎంజీఎం దవాఖానకు తరలించారు.