హైదరాబాద్, జూన్ 29 (నమస్తే తెలంగాణ): బీఆర్ఎస్ నుంచి గెలిచి కాంగ్రెస్లో చేరిన ఎమ్మెల్యే కాలె యాదయ్య వెంటనే తన పదవికి రాజీనామా చేయాలని మాజీ ఎమ్మెల్యే డాక్టర్ మెతుకు ఆనంద్ డిమాండ్ చేశారు. శనివారం హైదరాబాద్లోని తెలంగాణ భవన్లో ఆనంద్ మాట్లాడుతూ రాజకీయ విలువల గురించే మాట్లాడే యాదయ్య ఇప్పు డు పార్టీ ఎందుకు వీడారో చెప్పాలని నిలదీశారు. నమ్ముకున్న కార్యకర్తలకు ఏం సమాధానం చెబుతారని ప్రశ్నించారు.
కేసీఆర్ దయవల్లే రెండుసార్లు ఎమ్మెల్యేగా గెలిచానని గతంలో యాదయ్య చెప్పారని గుర్తుచేశారు. చేవెళ్ల అభివృద్ధికి గతంలో కేసీఆర్ పెద్ద ఎత్తున నిధులు ఇచ్చారని, 111 జీవో కూడా ఎత్తేశారని పేర్కొన్నారు. తన ఇంట్లో నాలుగు పదవులు అనుభవిస్తున్న యాదయ్య, బీఆర్ఎస్ క్యాడర్కు ఏం సమాధానం చెబుతారని ప్రశ్నించారు. పార్టీ మారిన ఎమ్మెల్యేలపై వెంటనే అనర్హత వేటు వేయాలని స్పీకర్ను కోరారు.
పరిగి మాజీ ఎమ్మెల్యే కే మహేశ్రెడ్డి మాట్లాడుతూ కాంగ్రెస్ పార్టీ అసెంబ్లీ ఎన్నికలకు ముందు ఇచ్చిన ఆరు గ్యారెంటీలను పకన పెట్టి, బీఆర్ఎస్కు చెందిన ఆరుగురు ఎమ్మెల్యేలను చేర్చుకుందని విమర్శించారు. బీఆర్ఎస్ నేత పంజుగుల శ్రీశైల్రెడ్డి మాట్లాడుతూ రేవంత్ పాలనలో రాష్ట్రం ప్రమాదంలో పడిందని చెప్పారు.