హైదరాబాద్, జూన్ 18 (నమస్తే తెలంగాణ): రాజకీయాలు ముఖ్యం కాదని, రాష్ట్ర ప్రయోజనాలే తమకు ముఖ్యమని మాజీమంత్రి శ్రీనివాస్గౌడ్ అన్నారు. కొందరి ప్రయోజనాల కోసం అభివృద్ధిని నిర్లక్ష్యం చేస్తే ఊరుకోబోమని స్పష్టం చేశారు. రాష్ట్ర విభజన సమస్యలను పరిష్కరించే దిశగా ప్రభుత్వం కృషి చేయాలని అన్నారు. 9, 10 షెడ్యూల్లో ఇంకా పరిష్కారం సమస్యలు ఉన్నాయని గుర్తుచేశారు. మంగళవారం తెలంగాణ భవన్లో మీడియా సమావేశంలో శ్రీనివాస్ గౌడ్ మాట్లాడుతూ.. తెలంగాణ ఏర్పాటే నీళ్లు, నీధులు, నియామకాల కోసం జరిగిందని చెప్తూ.. పదేండ్లయినా ఇంకా కొన్ని అంశాలు పరిషారం కాలేవని తెలిపారు.
9వ షెడ్యూల్లో 92 కార్పొరేషన్లు ఉన్నాయని, వీటి కోసం కేంద్ర ప్రభుత్వం షీలాబేడీ కమిటీ వేసిందని, కానీ ఆర్టీసీ లాంటి 30 సంస్థల వి భజన ఇంకా కొలిక్కి రాలేదని వెల్లడించారు. పదేండ్లయినా ఆ కమిటీ కాలయాపన చేసిందని విమర్శించారు. ప్రభుత్వం మిగిలిన అన్ని సంస్థలపై దృష్టిపెట్టి శాశ్వత పరిష్కారం చూపాలని సూచించారు. 10 షెడ్యుల్లో 102 సం స్థలు ఉన్నాయని, వాటిలో అనేకం పరిషా రం కాకుండా మిగిలిపోయాయన్నారు.
రాష్ర్టా లు విడిపోయాక హైదరాబాద్ నుంచి ఆంధ్రా ప్రజలను వెళ్లగొడుతారని ప్రచారం చేశారని, కానీ కేసీఆర్ పాలనలో వారిని చక్కగా చూసుకొన్నామని తెలిపారు. ఉమ్మడి రాజధాని భవనాలు స్వాధీనం చేసుకోవాలని, ఉద్యోగుల వి భజన పూర్తి చేయాలని ప్రభుత్వానికి సూచించారు. నిబంధనలకు విరుద్ధంగా వ్యవహరిస్తే సహించబోమని స్పష్టం చేశారు. సమావేశంలో మాజీ ఎమ్మె ల్యే రేగా కాంతారావు, బీఆర్ఎస్ రాష్ట్ర కార్యదర్శి రూప్సింగ్, కార్పొరేషన్ మాజీ చైర్మన్ పల్లె రవి పాల్గొన్నారు.