పెద్దపల్లి : ఇది కాలం తెచ్చిన కరవు కాదు. కాంగ్రెస్ పార్టీ తెచ్చిన కరువు అని పెద్దపల్లి బీఆర్ఎస్ పెద్దపల్లి ఎంపీ అభ్యర్థి మాజీ మంత్రి కొప్పుల ఈశ్వర్( Koppula Eshwar) మండిపడ్డారు. మంగళవారం మంథనిలో (Manthani) సాగు నీళ్లు లేక ఎండిన పంట పొలాలను(Dry crops) పరిశీలించారు. రైతులను ఓదార్చి ధైర్యం చెప్పారు. ఈ సందర్భంగా ఆయన మాట్లాడుతూ.. రాష్ట్రంలో పంటలు ఎండి రైతులు ఆగమవుతున్న కాంగ్రెస్ ప్రభుత్వం మొద్దు నిద్రను వీడటం లేదని ఆగ్రహం వ్యక్తం చేశారు.
కరువు నెలకొన్న గ్రామాల్లో పంట నష్టం వివరాలు సేకరించాలన్నారు. పంటలకు మద్దతు ధరకు అదనంగా క్వింటాల్ కు 500 రూపాయలు చెల్లించి రైతులను ఆదుకోవాలని డిమాండ్ చేశారు. లేదంటే ప్రజలతో కలిసి పెద్ద ఎత్తున ఉద్యమిస్తామని హెచ్చరించారు. ఆయన వెంట జిల్లా పరిషత్ చైర్మన్ పుట్ట మధుకర్, బీఆర్ఎస్ నాయకులు, కార్యకర్తలు ఉన్నారు.