Srisailam | శ్రీశైలం : కర్ణాటక, మహారాష్ట్రతోపాటు, తెలంగాణ రాష్ట్రవ్యాప్తంగా విస్తారంగా కురుస్తున్న వర్షాలతో కృష్ణమ్మ ఉప్పొంగి ప్రవహిస్తున్నది. ఆల్మట్టి, నారాయణపూర్, తుంగభద్ర ప్రాజెక్టులు ఇప్పటికే నిండిపోగా, దిగువకు వరదను విడుదల చేస్తున్నారు. దీంతో జూరాలకు, అక్కడి నుంచి శ్రీశైలం ప్రాజెక్టుకు భారీగా వరద వచ్చి చేరుతున్నది.
జూరాలతో పాటు సుంకేసుల నుంచి శ్రీశైలం ప్రాజెక్టుకు వరద ప్రవాహం కొనసాగుతోంది. జూరాల, సుంకేసుల నుంచి శ్రీశైలం ప్రాజెక్టుకు 2.58 లక్షల క్యూసెక్కుల వరద వచ్చి చేరుతోంది. శ్రీశైలం జలాశయ పూర్తిస్థాయి నీటి నిల్వ 215.8 టీఎంసీలు కాగా, ప్రస్తుత నీటి నిల్వ 109 టీఎంసీలుగా ఉంది. శ్రీశైలం కుడి, ఎడమ గట్టు కేంద్రాల్లో విద్యుత్ ఉత్పత్తి ప్రారంభమైంది.
దిగువన ఉన్న నాగార్జున సాగర్ ప్రాజెక్టుకు 45,236 క్యూసెక్కుల నీటిని శ్రీశైలం నుంచి విడుదల చేస్తున్నారు. దీంతో దిగువన ఉన్న ప్రజలను, జాలర్లను అధికారులు అప్రమత్తం చేస్తున్నారు. నది పరివాహక ప్రాంతాల ప్రజలు అప్రమత్తంగా ఉండాలని సూచించారు. వరద ప్రవాహన్ని దృష్టిలో ఉంచుకుని, అప్రమత్తంగా ఉండాలన్నారు.
ఇవి కూడా చదవండి..
Independence Day | గోల్కొండ కోటలో పంద్రాగస్టు వేడుకలు.. సీఎస్ శాంతి కుమారి సమీక్ష