మహదేవపూర్,జూలై 19 : జయశంకర్ భూపాలపల్లి జిల్లాలోని మహదేవపూర్ మండల పరిధిలోని అంబట్పల్లి గ్రామంలో ఉన్న మేడిగడ్డ బరాజ్లో(Medigadda barrage) వరద ఉధృతి(Flood rises) పెరిగుతోంది. కొన్ని రోజులుగా కురుస్తున్న భారీ వర్షాల(Heavy rains) కారణంగా ఎగువన ఉన్న మహారాష్ర్టలోని ప్రాణహిత (Pranahitha), గోదావరి నదులు ఉధృతంగా ప్రవహిస్తున్నాయి. దీంతో శుక్రవారం 16.17 టీఎంసీల నీటి నిల్వ సామర్థ్యం కలిగిన మేడిగడ్డ బరాజ్కు 1,93,550 క్యూసెక్యుల ప్రవాహం వస్తోంది.
బరాజ్లోని మొత్తం 85 గేట్లు ఎత్తి అంతే మొత్తంలో నీటిని దిగువకు విడుదల చేస్తున్నారు. వరద తీవ్రత మరింత పెరిగే అవకాశం ఉందని భారీ నీటి పారుదల శాఖ అధికారులు వెల్లడించారు. ఈ నేపథ్యంలో లోతట్టు గ్రామాల ప్రజలు అప్రమత్తంగా ఉండాలని సూచించారు.