హైదరాబాద్, జూలై 21 (నమస్తే తెలంగాణ) : నా తెలంగాణ కోటి రతణాల వీణ అంటూ తెలంగాణ రైతాంగ సాయుధ పోరాట జ్వాలలు రగిల్చిన యోధుడు దాశరథి కృష్ణమాచార్యులు అని సీఎం రేవంత్రెడ్డి కొనియాడారు. సోమవారం దాశరథి కృష్ణమాచార్య శతజయంతి సందర్భంగా సీఎం ఆయన సేవలను స్మరించుకున్నారు. తెలుగు, ఉర్దూ, సంస్కృతం, ఇంగ్లిష్ భాషల్లో పండితుడైన దాశరథి తన కలం నుంచి ఓ వైపు విప్లవాగ్నిని రగల్చుతూనే, మరోవైపు అనువాద, ప్రణయ కవిత్వాలు, సినీ గీతాలను వెలువరించిన సవ్యసాచి అని పేరొన్నారు. దాశరథి పోరాటపటిమ మలిదశ తెలంగాణ ఉద్యమపోరాటానికి స్ఫూర్తిగా నిలిచిందని చెప్పారు.
హైదరాబాద్, జూలై 21 (నమస్తే తెలంగాణ) : టీజీ జెన్కో, ట్రాన్స్కోలో రెవెన్షన్, డిమోటెడ్ పొందిన విద్యుత్ ఉద్యోగులకు న్యాయం చేయాలని కోరుతూ ఎమ్మెల్యే కూనంనేని సాంబశివరావు సోమవారం డిప్యూటీ సీఎం, విద్యుత్ శాఖ మంత్రి భట్టి విక్రమార్కకు లేఖ రాశారు. జెన్కో, ట్రాన్స్కోలో కొంత మంది ఉద్యోగులను అన్యాయంగా డిమోట్, రెవెన్షన్ చేశారని, ఆ విషయాన్ని పరిశీలించి తిరిగి యధాస్థానంలో నియమించాలని విజ్ఞప్తి చేశారు.