భీమదేవరపల్లి, జూలై 9: అప్పులు తీర్చే దారిలేక మనస్తాపం చెందిన ఓ మహిళా కౌలురైతు ఆత్మహత్య చేసుకున్నది. ఈ ఘటన మంగళవారం హనుమకొండ జిల్లా లో చోటుచేసుకున్నది. గ్రామస్థులు తెలిపిన వివరాల ప్రకారం.. భీమదేవరపల్లి మం డలం వంగర గ్రామానికి చెందిన ఏలూరి శ్రీనివాస్రెడ్డి, అతని భార్య సునీత (40) లకు వ్యవసాయ భూమి లేదు.
కౌలు వ్యవసాయం చేసి జీవనోపాధి పొందుతున్నారు. వీరికి కుమారుడు, కూతురు ఉన్నారు. కూతురు పెండ్లి, వ్యవసాయ పనుల కోసం రూ.15 లక్షలు అప్పు అయింది. చివరకు ఉన్న ఇంటిని అమ్మకానికి పెట్టారు. ఇల్లు అమ్మినా అప్పు తేర్చలేమని గ్రహించిన సునీత.. వంట గదిలో విషపు గుళికలు మింగి ఆత్మహత్య చేసుకుంది.