హైదరాబాద్, జూన్ 27 (నమస్తే తెలంగాణ) : రాష్ట్రంలోని ప్రైవేట్, కార్పొరేట్ పాఠశాలల్లో జర్నలిస్టుల పిల్లలకు 50 శాతం ఫీజు రాయితీ కల్పించాలని, గురుకులాల్లో స్పెషల్ కోటాలో సీట్లు ఇప్పించాలని కోరుతూ టీడబ్ల్యూజేఎఫ్ ప్రతినిధులు గురువారం సచివాలయంలో విద్యాశాఖ ముఖ్య కార్యదర్శి బుర్రా వెంకటేశంను కలిసి వినతిపత్రం అందజేశారు. తమ వినతులపై బుర్రా సానుకూలంగా స్పందించినట్టు వెల్లడించారు. వినతిపత్రం ఇచ్చిన వారిలో టీడబ్ల్యూజేఎఫ్ రాష్ట్ర అధ్యక్షుడు ఎం సోమయ్య, ప్రధాన కార్యదర్శి బీ బసవ పున్నయ్య, ఉపాధ్యక్షుడు పిల్లి రాంచందర్, బీ రాజశేఖర్, కార్యదర్శులు బీ జగదీశ్వర్, గండ్ర నవీన్, రాష్ట్ర కమిటీ సభ్యులు అరుణ్కుమార్, ఎం రమేశ్, రామకృష్ణ తదితరులు ఉన్నారు.
కాళేశ్వరంపై 58 అఫిడవిట్లు
హైదరాబాద్, జూన్ 27 (నమస్తే తెలం గాణ): కాళేశ్వరం ప్రాజెక్టుపై ఏర్పాటైన విచారణ కమిషన్ ఎదుట విచారణకు హాజరైన ఇంజినీర్లు, నిర్మాణ ఏజెన్సీలు, ప్రజాసంఘాలు, రైతులు తాజాగా అఫిడవిట్లను దాఖలు చేశారు. ఇప్పటి వరకు 58 అఫిడవిట్లు దాఖలయ్యా యని అధికార వర్గాలు వెల్లడించాయి. అఫిడవిట్ల దాఖలుకు కమిషన్ విధించి న గడువు నేటితో ముగియనున్నది. మరిన్ని అఫిడవిట్లు దాఖలయ్యే అవకా శమున్నది. అఫిడవిట్లన్నింటినీ పరిశీ లించి, తదుపరి విచారణను కొనసాగిం చేందుకు కమిషన్ చైర్మన్ పీసీ ఘోష్ జూలై 5న రాష్ర్టానికి రానున్నారని సమాచారం.
కాజీపేట్ బైపాస్ రైల్వే లైన్ పనుల తనిఖీ
హైదరాబాద్, జూన్ 27(నమస్తే తెలంగాణ): కాజీపేట బైపాస్ రైల్వే లైన్ నిర్మాణ పనులపై దక్షిణమధ్య రైల్వే జనరల్ మేనేజర్ దృష్టి సారించారు. ఈ మేరకు పురోగతిలో ఉన్న పనులను గురువారం జోనల్ రైల్వే జీఎం అరుణ్కుమార్ జైన్ తనిఖీ చేశారు. ప్రణాళికల ప్రకారమే పనులు కొనసాగుతున్నాయని తెలిపారు. కాజీపేట బైపాస్ లైన్ 21.47 కిలోమీటర్ల వరకు నిర్మిస్తున్నట్టు చెప్పారు. ఈ ప్రాజెక్టు రూ.125 కోట్లు అంచనా వ్యయంతో ప్రారంభించినట్టు తెలిపారు. కాజీపేట, వరంగల్ స్టేషన్ల పునరాభివృద్ధి పనులను కూడా ఆయన గురువారం పరిశీలించారు.