తిమ్మాపూర్, జూన్ 17: ఎల్ఎండీ అందాలను తిలకించేందుకు వెళ్లిన ఓ కుటుంబంలో విషాదం నిండింది. ప్రమాదవశాత్తూ నీటిలో పడ్డ కూతురిని కాపాడబోయి తండ్రి మృతిచెందిన ఘటన కరీంనగర్ జిల్లా తిమ్మాపూర్లో చోటుచేసుకున్నది. కరీంనగర్లోని సంతోష్నగర్లో నివాసం ఉండే బంగారి విజయ్కుమార్ (47) కుమ్రంభీం ఆసిఫాబాద్ జిల్లా లో వర్క్స్, ప్రాజెక్ట్స్ డిపార్ట్మెంట్లో అసిస్టెం ట్ పే అండ్ అకౌంట్స్ ఆఫీసర్. సోమవారం సెలవుకావడంతో భార్య ప్రశాంతి, కూతురు సాయినిత్య, కొడుకు విక్రాంత్, అత్త పుష్పలతతో కలిసి సిద్దిపేట జిల్లా హుస్నాబాద్లోని పొట్లపల్లి శివాలయానికి వెళ్లారు. తిరిగి వస్తూ ఎల్ఎండీ రిజర్వాయర్ ను చూసేందుకు వెళ్లారు. కట్టపై నుంచి డ్యాంలోకి దిగి లోతుగా ఉండే కాకతీయ కాలువలోకి నీళ్లు వె ళ్లే ప్రాంతంలో సరదాగా గడిపారు. బీటెక్ ఫస్టియ ర్ చదివే కూతురు సాయినిత్య సెల్ఫీలు దిగు తూ అదుపుతప్పి నీళ్లలో పడిపోయింది. తం డ్రి నీళ్లలోకి దూకి కాపాడేందుకు ప్రయత్నిస్తూ మునిగిపోయారు. వారి కోసం టెన్త్ చదివే కొ డుకు విక్రాంత్ సైతం దిగాడు. ముగ్గురూ ము నిగిపోతుండటంతో కుటుంబసభ్యులు కేకలు వేశారు. సమీపంలో ఉన్న మత్స్యకారుడు శ కర్ వెంటనే వచ్చి నీటిలోకి దిగి పిల్లలను కాపాడి ఒడ్డుకు తీసుకొచ్చాడు. విజయ్ గల్లంతయ్యాడు. కొద్దిసేపటికే మృతదేహం పైకితేలి దొరికింది. మృతుడి భార్య ఫిర్యాదు మేరకు కేసు దర్యాప్తు చేస్తున్నట్టు ఎస్సై తెలిపారు.