బొంరాస్పేట, జూలై 25 : సీఎం రేవంత్రెడ్డి సొంత నియోజకవర్గమైన వికారాబాద్ జిల్లా కొడంగల్లోనే రైతుల నుంచి నిరసనలు వ్యక్తమవుతున్నాయి. దుద్యాల మండలంలో ని పలు గ్రామాల్లో ఏర్పాటు చేయనున్న ఫార్మా విలేజ్ కోసం గురువారం చేపట్టిన భూ సర్వేను రైతులు అడ్డుకున్నారు. మండలంలో ని పోలేపల్లి, హకీంపేట, లగచెర్ల, పులిచెర్లకుంట తండాలలోని ప్రభుత్వ భూమిని రైతులకు పంపిణీ చేయగా, సాగు చేసుకుంటున్నా రు. ఇప్పుడు ఈ భూములను ప్రభుత్వం ఫార్మా విలేజ్ కోసం సేకరించడానికి పూనుకున్నది. గురువారం పోలేపల్లిలోని సర్వే నంబ రు 67 లోని 130.21 ఎకరాల ప్రభుత్వ భూ మిని సర్వే చేయడానికి ఆర్ఐ రవిచారి, సర్వేయర్ల బృందం హకీంపేటకు చేరుకుని సర్వే చేయడానికి యత్నించగా రైతులు వచ్చి అడ్డుకున్నారు. దీంతో అధికారులు వెనుదిరిగారు. అనంతరం రైతులు తహసీల్దార్ దానయ్యకు వినతిపత్రం అందజేశారు. గ్రామ సభలు పెట్టి భూసర్వే నిర్వహించాలని రైతులు కోరారు.