అయిజ రూరల్, మే 25 : విద్యుదాఘాతానికి గురై రైతు మృతి చెందాడు. ఈ ఘటన జోగుళాంబ గద్వాల జిల్లాలో చోటుచేసుకున్నది. కుటుంబ సభ్యుల కథనం మేరకు.. అయిజ మండలం చిన్న తాండ్రపాడు గ్రామానికి చెందిన రైతు కుర్వ భీమన్న (46)కు భార్య, ఇద్దరు కుమారులు ఉన్నారు. ఈయనకు మూడెకరాల పొలం ఉన్నది. పొలంలో పత్తి విత్తనాలు నాటాడు. శనివారం సాయంత్రం పొలం వద్దకు వెళ్లగా.. అక్కడ ఎవరో ట్రాన్స్ఫార్మర్ను ఆఫ్ చేసి ఉంచడాన్ని గమనించాడు. ట్రాన్స్ఫార్మర్పై ఉన్న జంపర్ తెగి పక్కన ఇనుప సీకుల (యాంగ్లర్ల)పై పడింది. ఇది గమనించని రైతు ట్రాన్స్ఫార్మర్ ఆన్ చేయడంతో విద్యుదాఘాతానికి గురై మృతి చెందాడు.