కేసముద్రం, జూన్ 27 : విద్యుదాఘాతంతో రైతు మృతి చెందిన ఘటన మహబూబాబాద్ జిల్లా కేసముద్రం మండలం తాళ్లపూసపల్లి లో గురువారం చోటుచేసుకున్నది. ఎస్సై వంశీధర్ తెలిపిన వివరాల ప్రకారం.. గ్రామానికి చెందిన రైతు వాలేరు ప్రకాశ్ (40) ఎకరం పొలంలో వరి సాగు చేసేందుకు ఇటీవల నారు పోశాడు. నీరు పెట్టేందుకు భార్య సరోజనతో కలిసి వెళ్లాడు. మోటర్ ఆన్ చేయగా నీరు పోయకపోవడంతో రిపేర్ చేసే క్రమంలో విద్యుదాఘాతానికి గురయ్యాడు. భార్య వచ్చి చూడగా అప్పటికే మృతి చెందా డు. మృతుడి భార్య ఫిర్యాదు మేర కు కేసు నమోదు చేసి దర్యాప్తు చేస్తున్నట్టు ఎస్సై తెలిపారు.
కొండా లక్ష్మణ్ బాపూజీ అవార్డులకు దరఖాస్తులు
హైదరాబాద్ సిటీబ్యూరో, జూన్ 27 ( నమస్తే తెలంగాణ ): జాతీయ చేనేత దినోత్సవాన్ని పురస్కరించుకొని ఆగస్టు 7న ‘కొండా లక్ష్మణ్ బాపూజీ’ రాష్ట్ర అవార్డులను ప్రదానం చేయనున్నట్టు హైదరాబాద్ చేనేత, జౌళి శాఖ సహాయ సంచాలకుడు గురువారం ఒక ప్రకటనలో తెలిపారు. చేనేత కళాకారులు జూలై 10లోపు దరఖాస్తు చేసుకోవాలని సూచించారు. వివరాలకు www. tsht. telangana. gov.in వెబ్సైట్ను సంప్రదించాలని కోరారు.
మెరుగైన విద్యుత్తును అందించాలి: రోనాల్డ్రోస్
హైదరాబాద్, జూన్ 27 (నమస్తే తెలంగాణ) : రాష్ట్రంలోని అన్ని వర్గాలకు మెరుగైన విద్యుత్తునందించాలని టీజీ ట్రాన్స్కో, జెన్కో సీఎండీ రోనాల్డ్రోస్ అధికారులను ఆదేశించారు. గురువారం విద్యుత్తు సౌధలో విద్యుత్తుశాఖ ఉన్నతాధికారులతో ఆయన సమీక్షించారు. ఈహెచ్టీ సబ్స్టేషన్లు, లైన్ల ను కాలానుగుణంగా పూర్తిచేయాలని ప్రా జెక్ట్స్ డైరెక్టర్, ట్రాన్స్మిషన్ డైరెక్టర్లను ఆదేశించారు. విద్యుత్తు ఉత్పిత్తి కేంద్రాలు సమర్థవంతంగా పనిచేయడంపట్ల సంతృప్తిని వ్యక్తంచేశారు. క్షేత్రస్థాయి ఇంజినీర్లు తమ కార్యాలయాల్లో అందుబాటులో ఉండాలని, అత్యవసర పరిస్థితులు తలెత్తినప్పుడు వెంటనే చక్కదిద్దాలని తెలిపారు. ఈ సందర్భంగా తెలంగాణ విద్యుత్తు ఇంజినీర్స్ అసోసియేషన్ రాష్ట్ర అధ్యక్ష, ప్రధాన కార్యదర్శులు నెహ్రూ, భాస్కర్ సీఎండీని కలిసి పుష్పగుచ్ఛాన్ని అందజేసి శుభాకాంక్షలు తెలిపారు.