నెల్లికుదురు, జూన్ 22: విద్యుదాఘాతంతో ఓ రైతు మృతి చెందిన ఘటన మహబూబాబాద్ జిల్లా నెల్లికుదురు మండలంలో శనివారం చోటుచేసుకుంది. నెల్లికుదురు మం డలం రాజులకొత్తపల్లికి చెందిన లింగాల వెంకన్న (56) తనకున్న ఆరు ఎకరాల భూమిలో వ్యవసాయం చేసుకుంటూ జీవిస్తున్నాడు. ఇటీవల మరో రెండు ఎకరాలు కౌలుకు తీసుకున్నాడు. శనివారం మధ్యా హ్నం తన మూడో కుమారుడితో కలిసి పొ లం వద్దకు వెళ్లాడు. స్తంభం నుంచి మోటర్కు కరెంట్ సరఫరా చేసే తీగలను సరిచేస్తుండగా షాక్కు గురైన వెంకన్న.. అక్కడికక్కడే మృతి చెందాడు. వెంకన్నకు భార్య, ముగ్గురు కొడుకులు, కూతురు ఉన్నారు.