ఉండవెల్లి, మే 30: విద్యుదాఘాతంతో రైతు మృతి చెందిన ఘటన జోగుళాంబ గద్వాల జిల్లాలో చోటుచేసుకున్నది. ఉండవెల్లి మండలం మారమునగాల-2కు చెందిన ఒనూరు బాషా (45) తనకున్న ఆరెకరాలతోపాటు అదనంగా పొలాన్ని కౌలుకు తీసుకొని పంటలు పండిస్తున్నాడు. ఈ ఏడాది ఇప్పటికే వర్షాలు పలుకరించగా.. వేణుగోపాల్రెడ్డికి చెందిన 10 ఎకరాల భూమిని రూ.లక్షా 50 వేలకు కౌలుకు తీసుకున్నాడు. గురువారం కౌలు పొలం దున్నేందుకు బాషా తన కొడుకు షేక్షావలి, ట్రాక్టర్ డ్రైవర్ రాజుతో కలిసి పొలం దగ్గరికి వెళ్లాడు. దుక్కి దున్నే క్రమంలో వేలాడుతున్న విద్యుత్తు తీగలు ట్రాక్టర్కు తగలకుండా కట్టె సాయంతో పైకిలేపాడు. ఆ సమయంలో త్రీఫేస్లోని ఒక తీగ తెగి బాషా చేతిపై పడి షాక్కు గురయ్యాడు. కుటుంబసభ్యులు వెంటనే అతన్ని ఏపీలోని కర్నూల్ దవాఖానకు తరలించగా.. అప్పటికే మృతి చెందినట్టు వైద్యులు నిర్ధారించారు. మృతుడికి భార్య షాలీబీతోపాటు ఇద్దరు కుమారులు, కూతురు ఉన్నారు.