సూర్యాపేట సిటీ ; సైబర్ నేరగాళ్లు తన ఫేస్ బుక్ ప్రొఫైల్ను పోలిన రెండు నకిలీ ఫేస్బుక్ ప్రొఫైల్స్ను క్రియేట్ చేసినట్టు సూర్యాపేట ఎస్పీ రాహుల్ హెగ్డే తెలిపారు. వాటి నుంచి వచ్చే మెసేజ్లు, రిక్వెస్ట్లకు ఎవరూ స్పందించవద్దని సూచించారు. వ్యక్తిగత వివరాలు చెప్పవద్దని, డబ్బులు పంపవద్దని ప్రజలకు విజ్ఞప్తి చేశారు. నకిలీ ఖాతాను రూపొందించిన వారిని గుర్తించి వారిపై కేసు నమోదు
చేయనున్నట్టు పేర్కొన్నారు.