మహదేవపూర్, జూన్ 1: జయశంకర్ భూపాలపల్లి జిల్లా మహదేవపూర్ లోని మేడిగడ్డ బరాజ్ను ఈఎన్సీ అనిల్కుమార్ నేతృత్వంలో రాష్ట్ర నిపుణుల కమిటీ శనివారం పరిశీలించిం ది. బరాజ్ కుంగుబాటుకు గల కారణాలు, లోపాల అధ్యయానికి ప్రభు త్వం జ్యుడీషియల్ కమిషన్ వేసింది. గతంలో బరాజ్ను పరిశీలించిన కమిషన్ తాజాగా శనివారం ఎన్డీఎస్ఏ సూచన మేరకు బరాజ్ దిగువన 7వ బ్లాక్ వద్ద జరుగుతున్న పునరుద్ధరణ పనులను పరిశీలించింది. బరాజ్ దిగువన అప్, డౌన్ స్ట్రీమ్ 7, 8వ బ్లాకుల పనులను పరిశీలించారు. కాపర్ సీట్ పైల్స్ పనులు, సీసీ బ్లాక్ అమరిక, 20, 21 గేట్ల కటింగ్, కుంగిన ప్రాంతంలో సిమెంట్, ఇసుకతో పూడ్చేందుకు చేపట్టిన పనుల వివరాలను ఇంజినీరింగ్ అధికారులు, నిర్మాణ సంస్థ ఎల్టీ ప్రతినిధులను అడిగి తెలుసుకుని, ఫొటో లు తీసుకున్నారు. కాళేశ్వరంలోని అన్నారం (సరస్వతి) బరాజ్ను సందర్శించి లీకేజీ పనులను పరిశీలించారు.
మేడిగడ్డ బరాజ్ వద్ద కుంగిన 19, 20, 21వ పియర్స్ వద్ద ఏర్పడిన ఖాళీ ప్రదేశాలను పూడ్చేందుకు సి మెంట్, ఇసుకతో గ్రౌటింగ్ పనులను నిర్మాణ సంస్థ ప్రారంభించింది. గ్రౌటింగ్ కో సం కుంగిన ప్రాంతంలో బోర్వెల్స్ ప నులను చేపట్టారు. వీటి ద్వారా సిమెంట్, ఇసుక మిశ్రమంతో గ్రౌటిం గ్ యంత్రాల సాయంతో 7వ బ్లాకులో కుంగిన పిల్లర్లను పూడ్చుతున్నారు.