హైదరాబాద్, జూలై 15 (నమస్తే తెలంగాణ): రైతు రుణమాఫీ అమలు విషయంలో ప్రభుత్వం విడుదల చేసిన మార్గదర్శకాలను పరిశీలిస్తే, రైతుల వలపోతల కంటే వడపోతలపైనే ఎకువ దృష్టి పెట్టినట్టు స్పష్టమవుతున్నదని మాజీ మంత్రి, ఎమ్మెల్యే తన్నీరు హరీశ్రావు పేర్కొన్నారు. ఎన్నికలప్పుడు ఒక మాట, అధికారంలోకి వచ్చాక ఒక మాటగా చెప్పడం కాంగ్రెస్ పార్టీకి అలవాటుగా మారిందని ఎక్స్వేదికగా మండిపడ్డారు. డిసెంబర్ 12, 2018 కంటే ముందున్న రుణాలకు రైతు రుణమాఫీ వర్తించదనే నిబంధన అసమంజసమని పేర్కొన్నారు. రైతుకు రుణభారం తగ్గించే ప్రయత్నం కన్నా ప్రభుత్వ భారం తగ్గించుకునే ప్రయత్నమే కనిపిస్తున్నదని విమర్శించారు. ఆహార భద్రతకార్డు, పీఎం కిసాన్ పథకం ప్రామాణికం అని ప్రకటించడం అంటే లక్షలాది రైతుల ఆశలపై నీళ్లు చల్లడమేనని ఆగ్రహం వ్యక్తంచేశారు.