Osmania Hospital | హైదరాబాద్ (సుల్తాన్ బజార్), జూలై 3: రాష్ట్రంలో కరెంట్ కోతలు కొనసాగుతూనే ఉన్నాయి. తాజాగా ఉస్మానియా దవాఖానలో బుధవారం మధ్యాహ్నం సుమారు అరగంట పాటు విద్యుత్తు సరఫరా నిలిచిపోయింది. జనరేటర్ కూడా పనిచేయకపోవడంతో రోగులు తీవ్ర ఇబ్బంది పడ్డారు.
చివరికి విద్యుత్తు అధికారులు కరెంట్ను పునరుద్ధరించడంతో ఊపిరిపీల్చుకున్నారు. ట్రాన్స్ఫార్మర్లో చోటుచేసుకున్న చిన్న లోపం కారణంగానే విద్యుత్తు సరఫరా నిలిచిపోయిందని దవాఖాన సూపరింటెండెంట్ నాగేందర్ చెప్పడం గమనార్హం.