నీలగిరి, జూన్ 24 : బిహార్కు చెందిన ఇద్దరు వ్యక్తులు తమ దగ్గర మహిమగల రంగు నీళ్లు ఉన్నాయని, అందులో రాత్రి డబ్బులు వేస్తే తెల్లారే సరికి డబుల్ అవుతాయని చెప్పి నల్లగొండ మండలం చందనపల్లికి చెందిన ఒకరికి ద్వారా అదే గ్రామానికి చెందిన అతడి బావను న మ్మించారు. దాంతో ఆయన శనివారం రూ.33 లక్షలను అప్పు చేసి తెచ్చి ఈ ముఠాకు అప్పజెప్పాడు. వాళ్లు ఆ డబ్బులను రంగు నీళ్ల బిందెల్లో పెట్టి ఉంచారు.
ఆదివారం ఉదయం వరకు రెట్టింపవుతాయని చెప్పారు. తాము ఇక్కడే ఉంటామని, ఆ బిందెలను ముట్టుకోవద్దని చెప్పి అర్ధరాత్రి రూ.33 లక్షలతో ఉడాయించా రు. ఆదివారం ఉదయం ఆ బిందెలను చూడగా.. ఖాళీగా ఉండడంతో బాధితుడు నల్లగొండ రూరల్ పోలీసులను ఆశ్రయించాడు. పోలీసులు టెక్నాలజీ సాయంతో ముగ్గురి సభ్యుల ముఠాలో ఇద్దరిని అదుపులోకి తీసుకుని, రూ.20 లక్షల వరకు వరకు స్వాధీనం చేసుకున్నారు.