అయిజ, జూలై 25: ఆడుకుంటున్న రెండేండ్ల బాలుడిపై కుక్కలు దాడి చేసి గాయపర్చాయి. ఈ ఘటన జోగుళాంబ గద్వాల జిల్లా అయిజలో గురువారం చోటుచేసుకున్నది. పట్టణంలోని కర్నూల్ రహదారిలో మాధవి, భీమేశ్వర్రెడ్డి దంపతుల కుమారుడు నిహాన్రెడ్డి హోటల్ ఎదుట ఆడుకుంటుండగా.. కుక్కలు ఒక్కసారిగా దాడి చేశాయి.
బాలుడి అరుపులు విన్న తల్లిదండ్రులు, చుట్టుపక్కల వారు కుక్కలను తరిమి చిన్నారిని కర్నూల్ దవాఖానకు తరలించగా చికిత్స పొందుతున్నాడు. మున్సిపాలిటీలో కుక్కలు అధికంగా ఉన్నాయని, వాటిని పట్టుకొని తరలించాలని స్థానికులు కోరుతున్నారు.