Telangana | వాజేడు, జూలై 16: ములుగు జిల్లా వాజేడు మండల కేంద్రానికి 20 కిలోమీటర్ల దూరంలో గుట్టలపై ఉన్న పెనుగోలు గిరిజన గ్రామానికి మంగళవారం ములుగు డీఎంహెచ్వో అల్లెం అప్పయ్య వైద్యసిబ్బందితో కలిసి వెళ్లారు. గుమ్మడిదొడ్డి గ్రామం నుంచి 3 వాగులు దాటి, 3 గుట్టలు ఎక్కి 16 కిలోమీటర్లు కాలినడకన వెళ్లారు.
అక్కడ నివసిస్తున్న 10 కుటుంబాలకు చెందిన 39 మందికిపైగా ఉన్న గ్రామస్థులకు దోమతెరలు పంపిణీ చేశారు. వైద్య పరీక్షలు చేసి మందులు అందజేశారు. ఆయన వెంట ఏఎంవో దుర్గారావు, వైద్యాధికారి మహేందర్, హెల్త్ అసిస్టెంట్ చిన్నవెంకటేశ్వర్లు, ఎక్స్రే ఆపరేటర్ లాకన్, ఆశ కార్యకర్త సమ్మక్క, గుమ్మడిదొడ్డి గ్రామస్థులు ఉన్నారు.