హైదరాబాద్, జనవరి 31 (నమస్తే తెలంగాణ): చనిపోయిన పార్టీ కార్యకర్తల కుటుంబాలకు బీఆర్ఎస్ అండగా ఉంటుందని మాజీ ఎంపీ రావుల చంద్రశేఖర్రెడ్డి హామీ ఇచ్చారు. బుధవారం తెలంగాణ భవన్లో జరిగిన కార్యక్రమంలో బీఆర్ఎస్ కార్యకర్తల ప్రమాద బీమా చెక్కులను ఆయన పంపిణీచేశారు. మొత్తం 64 కుటుంబాలకు రూ.2 లక్షల చొప్పున చెక్కులు అందించారు. ఈ సందర్భంగా రావుల మాట్లాడుతూ ప్రమాదవశాత్తు చనిపోయిన పార్టీ కార్యకర్తల కుటుంబాలకు అండగా ఉండేందుకు అధినేత కేసీఆర్ ముందుచూపుతో ప్రమాద బీమా అమలు చేశారని తెలిపారు. ఈ కార్యక్రమంలో బీఆర్ఎస్ పార్టీ మాజీ ఎమ్మెల్సీ ఎం శ్రీనివాస్రెడ్డి, పార్టీ ప్రధాన కార్యదర్శి భరత్కుమార్గుప్తా, మాజీ ఎమ్మెల్యే చందర్, నాయకులు అల్లిపురం వెంకటేశ్వర్రెడ్డి, వాసుదేవరెడ్డి పాల్గొన్నారు.