హైదరాబాద్, జూన్ 20 (నమస్తే తెలంగాణ): ‘కాళేశ్వరాన్ని కాపాడుకుందాం’ అనే అంశంపై డాక్టర్ బీఎన్ రావు ఫౌండేషన్ ఆధ్వర్యంలో 24వ తేదీన కరీంనగర్ ఫిలింభవన్లో చర్చావేదికను నిర్వహించనున్నారు. ఆదివారం ఉదయం 10గంటలకు ఫిలింభవన్లో చర్చావేదిక ప్రారంభమవుతుందని డాక్టర్ బీఎన్ రావు ఫౌండేషన్ గురువారం ఓ ప్రకటన విడుదల చేసింది. ప్రముఖ జలవనరుల నిపుణులు వీ ప్రకాశ్, విశ్రాంత చీఫ్ ఇంజినీర్ కే కృష్ణమూర్తి, విశ్రాంత ఎస్ఈ భీమనాతిని సత్యనారాయణ ముఖ్యఅతిథులుగా పాల్గొననున్నారని వివరించింది. చర్చలో ఇంజినీర్లు, డాక్టర్లు, న్యాయవాదులు, మేధావులు, రచయితలు, పాత్రికేయులు భారీగా పాల్గొనాలని పిలుపునిచ్చింది.