Digital ID Cards | హైదరాబాద్, ఏప్రిల్ 16 (నమస్తే తెలంగాణ): పాఠశాల స్థాయి నుంచి వర్సిటీ విద్యార్థుల వరకు ఆధార్ తరహా డిజి ఐడీ కార్డులు త్వరలో అందుబాటులోకి రానున్నాయి. ఉపాధ్యాయులు, అధ్యాపకులకూ ఈ కార్డులను జారీచేస్తారు. డిజి కార్డులను ఆధార్తో, అకడమిక్ క్రెడిట్ బ్యాంక్తో అనుసంధానం చేస్తారు. వీటి జారీపై నేషనల్ ఎడ్యుకేషనల్ టెక్నాలజీ ఫోరం (ఎన్ఈటీఎఫ్) సూచనతో మాజీ ఏఐసీటీఈ చైర్మన్ ప్రొఫెసర్ అనిల్ సహస్రబుద్ధే నేతృత్వంలో స్టీరింగ్ కమిటీని కేంద్ర విద్యాశాఖ ఏర్పాటు చేసింది. ఈ కమిటీ విద్యాశాఖ, పాఠశాల విద్య, ఎన్ఐసీ, యూఐఈడీ తదితర సంస్థలతో సంప్రదింపులు జరిపి, సమగ్ర ప్రాజెక్ట్ను రూపొందించింది. ఎడ్యుకేషన్ ఎకోసిస్టం రిజిస్ట్రీస్ (ఈఈఆర్) పేరుతో డాక్యుమెంట్ను రూపొందించింది. ఈ మేరకు డిజికార్డుల రిజిస్ట్రేషన్ బాధ్యతలను నేషనల్ ఇన్ఫర్మేటిక్ సెల్ (ఎన్ఐసీ)కు అప్పగించారు.
డిజికార్డు ఎందుకంటే..?
విద్యార్థులు తరుచూ ఒక విద్యాసంస్థ నుంచి మరో సంస్థకు మారుతుంటారు. పైచదువుల కోసం ఇతర కాలేజీల్లో చేరుతుంటారు. ఉన్నత విద్య సంస్కరణల్లో భాగంగా ఇటీవల మల్టిఫుల్ ఎంట్రీ, మల్టిఫుల్ ఎగ్జిట్ను పెద్ద ఎత్తున ప్రోత్సహిస్తున్నారు. విద్యార్థులు కోర్సు మధ్యలోనే నిష్క్రమించడం.. తిరిగి చేరేందుకు, క్రెడిట్స్ను బదిలీ చేసుకునే అవకాశాలు ఇస్తున్నారు. ఈ నేపథ్యంలోనే డిజికార్డ్ను అందుబాటులోకి తీసుకు రావాలని నిర్ణయించారు. ఇది విద్యార్థులకే కాకుండా బోధనా సిబ్బందికి కూడా ఉపయోగపడుతుంది.
అమలు విధానం