హైదరాబాద్, జూన్ 11 (నమస్తే తెలంగాణ): ధరణి కమిటీ సభ్యులు మంగళవారం సచివాలయంలో ముఖ్యమంత్రి కార్యాలయ ముఖ్య కార్యదర్శి శేషాద్రితో భేటీ అయ్యారు. ఈ సందర్భంగా ధరణి సమస్యల పరిష్కారానికి చేపట్టిన స్పెషల్ డ్రైవ్ పురోగతిపై ఆరా తీశారు.
ధరణిలో మార్పులు, చేర్పులు, ప్రస్తుత రెవెన్యూ చట్టంలోని నిబంధనల మార్పుపైనా చర్చ జరిగినట్టు తెలుస్తున్నది. ధరణి పెండింగ్ దరఖాస్తులను ఈ నెలాఖరులోగా పూర్తి చేయాలని రెవెన్యూ అధికారులను ప్రభుత్వం ఆదేశించింది.