జూబ్లీహిల్స్, జూలై17: ప్రపంచ ఫొటోగ్రఫీ దినోత్సవం సందర్భంగా తెలంగాణ రాష్ట్ర ఫొటో జర్నలిస్టుల సంఘం ఆధ్వర్యంలో నిర్వహించే రాష్ట్రస్థాయి ఉత్తమ వార్తాచిత్రం పోటీల పోస్టర్ను బుధవారం హైదరాబాద్లో ఉప ముఖ్యమంత్రి మల్లు భట్టివిక్రమార్క ఆవిష్కరించారు.
న్యూస్ ఫొటో కాంటెస్ట్తో నైపుణ్యాలు, సృజనాత్మకతను పెంపొందించుకోవచ్చని భట్టి విక్రమార్క తెలిపారు.2024-25 ఉత్తమ వార్తాచిత్రం పోటీల విజేతలకు ప్రథమ బహుమతి రూ.10 వేలు, ద్వి తీయ రూ.8 వేలు, తృతీయ రూ.5 వేలు, రూ.2 వేల చొప్పున 25 కన్సోలేషన్ బహుమతులతోపాటు సర్టిఫికెట్, మెమొంటోలను అందజేస్తామని సంఘం రాష్ట్ర ప్రధాన కార్యదర్శి కేఎన్ హరి తెలిపారు.
పోటీలలో పాల్గొనే జర్నలిస్ట్లు 8/12 సైజ్ ఫొటోలను టీఎస్పీజీఏ కార్యాలయం, టీయూడబ్ల్యూజే బిల్డింగ్, దేశోద్ధారక భవన్, బషీర్బాగ్, హైదరాబాద్కు ఆగస్టు 10లోపు పంపాలని సూచించా రు. కార్యక్రమంలో టీఎస్పీజీఏ రాష్ట్ర నేతలు నగర గోపాల్, అలీముద్దీన్, హరి ప్రేమ్, ఆనంద్ ధర్మాన, వీ రజినీకాంత్, సుమన్రెడ్డి, శివకుమార్, అశోకుడు పాల్గొన్నారు.