హైదరాబాద్, నవంబర్ 29 (నమస్తే తెలంగాణ): దీక్ష దివస్ సందర్భంగా 2009 నవంబర్ 29 నాడు జరిగిన వీరోచిత సన్నివేశాలను తన జీవితంలో మరచిపోలేనని మంత్రి కేటీఆర్ తెలిపారు. సిద్దిపేటలోని ఆమరణ హార దీక్షాస్థలికి బయలుదేరిన కేసీఆర్ను అల్గునూర్లో అరెస్టు చేసి ఖమ్మం తరలించి, తమను అరెస్టు చేసి వరంగల్ సెంట్రల్ జైలు వేశారని తెలిపారు.
ఖమ్మం హాస్పిటల్ తీస్కపోయిన రోజే కేసీఆర్ దీక్ష విరమించారని ఫేక్ న్యూ స్ ప్రచారం చేయడం కేసీఆర్ కోపంతో తాను మీడియాతో మాట్లాడతానని పట్టుబట్టారని తెలిపారు. కిటికీ గాజు ముక్కను పట్టుకొని.. మరో చేతిని చూ పిస్తూ.. ‘మీరు మీడియాను పిలుస్తారా? లేదా?’ అని గట్టిగా అరిచారు. కేసీఆర్ ఆపేందుకు పోలీసులు వార్డుల్లోకి వెళ్లాలని చూస్తే నాయిని నర్సింహారెడ్డి, కెప్టెన్ లక్ష్మీకాంతారావు ఆ పోలీసు గుంపును ఆపారని, తెలంగాణ కాంక్షకు నాటి పోరాటం సజీవసాక్ష్యమని గుర్తుచేసుకున్నారు.