జగదేవ్పూర్, మే 29 : సిద్దిపేట జిల్లా జగదేవ్పూర్ మండలం గోపాల్పూర్లో నర్సింలు- పద్మ దంపతులు పెంపుడు కుక్కకూ సమాధి కట్టారు. వీరికి ఒక కుమార్తె, ఇద్దరు కుమారులు ఉండగా.. కుమార్తె మానస కోరిక మేరకు జాకీ అనే కుక్క పిల్లను పెంచుకున్నారు. నాలుగేండ్ల క్రితం మానస అనారోగ్యంతో మృతిచెందింది. ఆ తర్వాత కూతురి జ్ఞాపకాలను పెంపుడు కుక్కలో చూసుకున్నారు. జాకీ కూడా ఇటీవల అనారోగ్యంతో మరణించింది. సంప్రదాయ పద్ధ్దతిలో అంత్యక్రియలు జరిపారు. బుధవారం సమాధి కట్టి దశ దినకర్మ చేశారు.