హైదరాబాద్, మే26 (నమస్తే తెలంగాణ): ఏటా జూన్ 26న నిర్వహించే అంతర్జాతీయ డ్రగ్స్ వ్యతిరేక దినోత్సవాన్ని పురస్కరించుకుని సాంస్కృతిక పోటీలు నిర్వహిస్తున్నట్టు వికలాంగుల, వయోవృద్ధుల, లింగమార్పిడి వ్యక్తుల సాధికారత శాఖ డైరెక్టర్ శైలజ శుక్రవారం ఒక ప్రకటనలో తెలిపారు. వికలాంగుల, వయోవృద్ధుల, లింగమార్పిడి వ్యక్తుల సాధికారత శాఖ, నార్కోటిక్స్ ఎన్ఫోర్స్మెంట్ వింగ్ ఆధ్వర్యంలో వివిధ విభాగాల్లో పోటీలు ఉంటాయని చెప్పారు.
డ్రగ్స్ దుష్ఫలితాలను తెలియజేసే థీమ్తో పోస్టర్ డిజైన్, పాటలు రాయడం, షార్ట్ వీడియో విభాగాల్లో పోటీలు ఉంటాయని చెప్పారు. ఆసక్తిగల అభ్యర్థులు జూన్ 20వ తేదీలోగా ఆన్లైన్లో వీడియోలు, పోస్టర్లను సమర్పించాలని వెల్లడించారు. వివరాలకు 96523 94751ను సంప్రదించాలని సూచించారు.