హైదరాబాద్ : రాష్ట్ర ప్రభుత్వ ప్రధాన కార్యదర్శి సోమేశ్కుమార్ తల్లి మీనాక్షి సింగ్ (85) సోమవారం రాత్రి కన్నుమూశారు. అనారోగ్యం కారణంగా గత మూడు వారాలుగా నగరంలోని ఓ ప్రైవేటు ఆసుపత్రిలో చికిత్స పొందుతున్నారు. ఆమె పార్థివదేహానికి బిహార్లోని సొంత గ్రామంలో అంత్యక్రియలు నిర్వహించనున్నారు. మీనాక్షి సింగ్ మృతిపై సీఎం కేసీఆర్ సంతాపం తెలిపారు. సీఎస్ కుటుంబ సభ్యులకు ప్రగాఢ సానుభూతిని ప్రకటించారు. సీఎం కేసీఆర్ సీఎస్ను ఫోన్లో పరామర్శించారు. అలాగే మంత్రులు తలసాని శ్రీనివాస్ యాదవ్, సత్యవతి రాథోడ్, ఎర్రబెల్లి దయాకర్రావు సంతాపం ప్రకటించారు. సీఎస్ కుటుంబ సభ్యులకు ప్రగాఢ సానుభూతి తెలిపారు. ఆమె ఆత్మకు శాంతి చేకూరాలని భగవంతున్ని ప్రార్థించారు.