హైదరాబాద్, జనవరి 6 (నమస్తే తెలంగాణ): విద్యుత్తు వినియోగదారులు తమ సమస్యల పరిష్కారానికి నేరుగా విద్యుత్తు నియంత్రణ మండళ్లను కలవడం ద్వారా సత్ఫలితాలను పొందవచచ్చని టీఎస్ఈఆర్సీ చైర్మన్ శ్రీరంగారావు తెలిపారు. దక్షిణాది రాష్ర్టాల విద్యుత్తు నియంత్రణ మండళ్ల ఫోరం (ఎస్ఈఆర్ఎఫ్) సమావేశాన్ని శుక్రవారం హైదరాబాద్లో నిర్వహించారు.
తమిళనాడు, కర్ణాటక, కేరళ, ఏపీ ఈఆర్సీ చైర్మన్లు ఎం చంద్రశేఖరన్, పీ రవికుమార్, టీకే జోస్, జస్టీస్ సీవీ నాగార్జునరెడ్డితోపాటు ఆయా ఈఆర్సీల సభ్యులు ఈ సమావేశానికి హాజరై తమ రాష్ర్టాల్లో వినియోగదారుల సమస్యల పరిష్కారానికి చేపట్టిన చర్యలను వివరించారు. అనంతరం వారంతా రాయదుర్గంలోని గ్యాస్ ఇన్సులేటెడ్ 400 కేవీ సబ్స్టేషన్ను సందర్శించారు. సబ్స్టేషన్ ప్రత్యేకతలపై టీఎస్ ట్రాన్స్కో డైరెక్టర్ జగత్రెడ్డి పవర్పాయింట్ ప్రజెంటేషన్ ఇచ్చారు.