ఆదిలాబాద్, జూలై 18(నమస్తే తెలంగాణ): ఆదిలాబాద్ మున్సిపాలిటీ వైస్ చైర్మన్, కాంగ్రెస్ నాయకుడు జహీర్రంజానీపై బీఆర్ఎస్, బీజేపీతోపాటు సొంత పార్టీకి చెందిన కాంగ్రెస్ కౌన్సిలర్లు పెట్టిన అవిశ్వాస తీర్మానం నెగ్గింది. గురువారం మున్సిపల్ కార్యాలయంలో ప్రిసైడింగ్ అధికారి, ఆదిలాబాద్ ఆర్డీవో వినోద్కుమార్ అవిశ్వాస తీర్మాన సమావేశం నిర్వహించారు. తీర్మానానికి అనుకూలంగా 34 మంది ఓటు వేయడంతో వైస్ చైర్మన్ జహీర్రంజానీ తన పదవిని వదుకోవాల్సిన పరిస్థితి నెలకున్నది.
కాంగ్రెస్కు చెందిన ఐదుగురు కౌన్సిలర్లతోపాటు 19 మంది బీఆర్ఆర్ కౌన్సిలర్లు, తొమ్మిది మంది బీజేపీ, ఒక ఎంఐఎం కౌన్సిలర్ అవిశ్వాస తీర్మానానికి అనుకూలంగా ఓటు వేశారు. కాంగ్రెస్ వైస్ చైర్మన్కు వ్యతిరేకంగా సొంత పార్టీ కౌన్సిలర్లు ఓటు వేయడం చర్చనీయంశంగా మారింది. బీఆర్ఎస్ నుంచి గెలిచిన జహీర్రంజానీ అసెంబ్లీ ఎన్నికల తర్వాత కాంగ్రెస్లో చేరారు. సొంతపార్టీ నేతలు ఆయన రాకను వ్యతిరేకించారు. వైస్ చైర్మన్ పదవిని నిలబెట్టుకోవాలని కాంగ్రెస్ నాయకులు కౌన్సిలర్లను ప్రలోభాలకు గురిచేసినా ఫలించలేదు. మాజీ మంత్రి జోగు రామన్న, బీఆర్ఎస్ నాయకులు పార్టీ కార్యాలయం ఎదుట సంబురాలు చేసుకున్నారు.