ఖిలావరంగల్, జూన్ 25: బీఆర్ఎస్ ప్రభు త్వం పేదల గుడిసెలకు పట్టాలిస్తే.. నేడు కాంగ్రెస్ నాయకులు దౌర్జన్యాలకు పాల్పడుతున్నారు. దీంతో వందమంది గుడిసెవాసులు మంగళవారం రాత్రి వరంగల్లోని మిల్స్కాలనీ పోలీస్స్టేషన్కు వెళ్లి ఆందోళనకు దిగారు. వరంగల్ జిల్లా కేంద్రంలోని చింతల్ జ్యోతిబస్నగర్లో 2007 నుంచి 290 మంది గుడిసెలు వేసుకొని జీవిస్తున్నారు. తెలంగాణ వచ్చిన తర్వాత గుడిసె వాసుల కాలనీలను అభివృద్ధి చేయాలన్న సంకల్పంతో నాటి సీఎం కేసీఆర్ రోడ్లు, మరుగుదొడ్లు, మురుగు కాల్వలు, తాగునీటి సరఫరా తదితర మౌలిక వసతులు కల్పించారు. జీవో నం. 58, 59 ద్వారా పట్టాలు పంపిణీ చేయడంతో పేదల సొంతింటి కల నెరవేరింది. జ్యోతిబస్నగర్లో నివాసముంటున్న స్వ రూప, శ్రీలత, రేణుకకు చెందిన ఇండ్లపై కాంగ్రెస్ నాయకులు దాడి చేశారు. ఇంట్లో ఎవరూ లేని సమయంలో కాంగ్రెస్ నాయకులు శివ, నాని తాళాలు పగుల గొట్టి లోనికి వెళ్లి సామగ్రిని చెల్లాచెదురు చేసి తాళాలు వేసుకున్నారు. బాధితులకు మద్దతుగా జ్యోతిబస్నగర్కు చెందిన వందమంది పోలీస్స్టేషన్కు చేరుకొని ఆందోళన చేపట్టారు.