మంచిర్యాల కాంగ్రెస్ ఎమ్మెల్యే ప్రేమ్సాగర్రావు కాంగ్రెస్ పార్టీపై తన అసంతృప్తిని వ్యక్తం చేశారు. అసెంబ్లీ ప్రారంభంకాక ముందు డిప్యూటీ సీఎం భట్టి విక్రమార్క చాంబర్లో ప్రేమ్సాగర్తోపాటు మరికొందరు కూర్చుకున్నారు. ఈ సందర్భంగా ప్రేమ్సాగర్రావు మాట్లాడుతూ.. భట్టి, రేవంత్, తాను ఒకేసారి ఎమ్మెల్సీలు అయ్యామని, ఒకరు ముఖ్యమంత్రి, మరొకరు ఉప ముఖ్యమంత్రి అయ్యారని, తాను మాత్రం వారి చాంబర్ల చుట్టూ తిరుగుతున్నానని చెప్పారు.
తమ జిల్లాలోని ఇంద్రవెల్లిలో కాంగ్రెస్ సభ నిర్వహిస్తే ఆ వేదికపైన ఉన్న ఇద్దరు (రేవంత్, భట్టి) ఒకరు ముఖ్యమంత్రి, మరొకరు ఉప ముఖ్యమంత్రి అయ్యారని, తాను మాత్రం ఏమీ కాలేదని ఆవేదన వ్యక్తంచేశారు. పార్టీ అధికారంలో ఉన్నా ఆదిలాబాద్ జిల్లా రాష్ట్ర మ్యాప్లో ఉండటం లేదని పేర్కొన్నారు. 2004 నుంచి 2009 వరకు కేంద్ర కోటాలో ఒకరికి మంత్రి పదవి ఇచ్చారని, 2009-2014 టర్మ్లో ఎవరికీ మంత్రి పదవి ఇవ్వలేదని వాపోయారు. మళ్లీ ఇప్పుడు కూడా తమ జిల్లాను పకన పెట్టారని తెలిపారు.
అసెంబ్లీ పరిసరాల్లో ఎన్నడూ లేని విధంగా 10 అడుగుల ఎత్తులో కంచెలను ఏర్పాటుచేశారు. అసెంబ్లీ పరిసరాల్లో, గన్పార్క్ వద్ద, పబ్లిక్గార్డెన్ వరకు కంచెలను పెట్టారు. బీఆర్ఎస్ హయాంలో ఏనాడూ ఇలా కంచెలు పెట్టలేదని ప్రజలు ఆశ్చర్యంగా చూశారు. ప్రజాపాలన, స్వేచ్ఛ గురించి చెప్పే సీఎం రేవంత్రెడ్డి దీనికి ఏం సమాధానం చె ప్తారని బీఆర్ఎస్ నాయకులు ప్రశ్నించారు.